Giit ni Sotto: ‘Marijuana’ bilang gamot legal sa PH

IGINIIT ni Senate President Vicente Tito Sotto III na legal ang marijuana kung gagamitin bilang isang gamot sa taong maysakit.

Ito ang naging reaksi­yon ng senador ukol sa plano ng ilang mamba­batas na nais magsagawa ng imbestigasyon kung dapat bang gawing legal ang marijuana for medi­cal use.

Ipinunto ni Sotto ang Republic Act 9165 o Com­prehensive Dangerous Drugs Act of 2002, ang Section 2 na sinasabi sa last paragraph na maaa­ring payagan ng gobyerno na gumamit ng ipinag­babawal na gamot tulad ng marijuana ang isang maysakit na indibiduwal basta rekomendado ng doktor at aprobado ng Food and Drugs Admi­nistration (FDA).

Ayon kay Sotto, maraming hindi naka­aalam nito kaya maging ang ilan niyang kasa­mahang mambabatas ay pinayuhang basahin ang naturang batas.

Ipinagtanggol ni Sotto si Miss Universe 2018 Catriona Gray sa na­ging sagot na hindi masa­ma ang marijuana kung gagamitin bilang gamot o oil cannabis.

Anang senador, tama ang naging sagot ni Gray dahil matagal nang naka­saad sa batas ang pag­ga­mit ng marijuana bilang medical use basta’t aprobado ng FDA.

Inihalimbawa ni Sotto ang iniulat ng FDA na noong Oktubre 2017, nakatanggap ang ahen­siya ng 50 aplikasyon kada buwan para sa com­passionate special permit para sa cancer medi­cation, at noong 30 Set­yem­bre 2017, 583 ang kanilang napayagang aplikasyon mula sa 585 na nagsumite nito.

At maging noong 2016 umabot sa 558 ang inaprobahan ng FDA mula sa 565 na nagsumite ng aplikasyon, na pina­yagang gumamit ng dangerous drugs o can­nabis oil para sa kanilang mga sakit.

Sa kabila nito, iginiit ni Sotto na mahigpit na ipinagbabawal sa batas ang pagtatanim ng mari­juana at gamitin itong recreational o hithitin bilang bisyo dahil naka­sasama ito sa kalusugan.

ni CYNTHIA MARTIN