Kawawang mga preso sa Bulacan Provincial Jail

MALAKING pagkakaiba sa mga preso na nakakulong sa kalakhang Maynila, higit na kaawa-awa ang nga preso sa Bulacan Provincial Jail partikular sa inmates na bihirang dalawin ng kanilang mga mahal sa buhay.
Bawat preso na nais magkaroon ng higaan ay dapat magbayad ng P4,500 hangga’t nakakulong bilang kabayaran sa “tarima” kung tawagin.
Mayroong kooperatiba sa loob ng BPJ at bawat miyembro na kasapi, kapag hindi nakababayad ay may penalty na P410.00 kada linggo.
Sakaling hindi makabayad, ang kapalit ay pagpalo ng stick na kawayan na makapal sa dalawang palad ng preso at ang bilang ng palo ay komporme sa kanilang pagkakautang gaya ng  pagkain.
Kadalasan ang utang ay galing sa mga pagkaing inirarasyon na kapag hindi gusto ng isang preso ang ulam, aalukin ng masarap na putahe tulad ng manok at baboy, pero hindi ito libre sa halip ay utang ito sa kooperatiba.
Kadalasan ay naiipon ang pagkakautang ng preso at hindi nakababayad ng tamang araw kaya bukod sa nasabing malaking interes, palo sa mga palad ang parusa.
Ang mga bigtime na preso na umano ay may posisyon na “adviser” ay nakasuot ng makakapal na gintong alahas, at magalang na sumasaludo sabay amen sa kamay ang mga preso.
Grabe din ang pustahan… kapag may laro ng basketbol gaya ng nakalipas na labanan ng UAAP Ateneo vs UP kanya-kanyang pustahan. Ibig sabihin maluwag din sa sugal at pera ang Bulacan Provincial Jail.
Kaya buhay na buhay umano ang mga opisyal ng provincial jail.
Say mo? Maniniwala ka ba na wala? Ang maging jail warden sa Provincial Jail na may mahigit 700 preso ay kalalakihan
Buhay na buhay si warden!

Isumbong mo
kay Dragon Lady
ni Amor Virata