HATAW! D'yaryo ng Bayan hatawtabloid.com
SA isinagawang poll survey ng DZRH sa hanay ng mga tumtakbong senador sa darating na halalan ay magkasunod ang ranggo nina dating Senators Bong Revilla at Jinggoy Estrada.
Respectively, pang-anim at pampito ang sanggang-dikit na magkaibigang ito na kapwa nakulong sa PNP Custodial Center. Nahaharap sila sa kasong plunder kaugnay ng pork barrel sa ilalim noon ng PNoy administration.
Sa ngayon, si Bong ang nananatiling nakapiit habang umaapela ang ilang quarters na rebyuhin ang kaso ni Jinggoy na hindi dapat pinalaya.
Kapwa sila nag-file ng kanilang COC nitong Oktubre, at sa ayaw man o gusto ng marami’y nais nilang muling maluklok sa pambansang puwesto.
Malinaw ang katotohanang nakapaloob sa medyo magandang ranking nila sa DZRH survey. Not bad, ‘ika nga, considering na sa mata ng bayan ay mayroon sila umanong dapat panagutan.
Clearly, tayo talagang mga Pinoy ay mayroong maigsing memorya lalo na sa ating kasaysayan.
Ang kapwa senatoriable nina Bong at Jinggoy na si Ilocos Norte Governor Imee Marcos ay laglag sa survey placing 13th. Not bad na rin dahil may tendency pa siyang umalagwa.
Madali ngang makalimot ang mapagpatawad na Pinoy. Lahat kasi silang tatlo—Bong, Jinggoy, at Imee—ay may kanya-kanyang kuwento para pagbayaran ang mga umano’y kasalanan nila sa taumbayan.
Haist.
HOT, AW!
ni Ronnie Carrasco III
