Empress, nabago ang buhay nang mag-asawa at magkaanak

MASAYA ang buhay may asawa ni Empress Schuck at marami siyang na-realize sa pagiging mommy ng kanyang 3 year old daughter.

Kuwento ni Empress sa presscon ng Kahit Ayaw Mo Na na ginanap sa Botejyu, Robinsons Galleria,”Masayang-masaya.

“Marami, siyempre priorities. Ayon hindi mo na talaga uunahin ang sarili mo.

“Pero hindi siya in a bad way, parang nakakalimutan ko na ‘yung sarili ko, more on voluntarily siya. Mas gugustuhin mong kalimutan ang sarili mo.

“Mas gugustuhin mong unahin siya kasi ‘yun lang ang makakapag- paligaya sa ‘yo.

“Kasi ‘pag hindi mo siya inuna, malungkot ka.”

Anong klaseng mommy si Empress?

“Supportive, mas disciplinarian ako kaysa Daddy niya.

“Mas ako ‘yung nagdidisiplina. Mas ako ‘yung nagagalit at saka hindi ko siya ini- spoil.

“Pero kapag kailangan naman niya ng loving and care, talagang hundred thousand percent ibinibigay ko sa kanya.”

Ginagampanan ni Empress sa Kahit Ayaw Mo Na bilang si Joey na isang designer na nagpunta sa Samar kasama ang kanyang kasintahan na si Reggie (Daniel Matsu­naga) para sa pagsisi­mula ng kanyang sariling negosyo.

Ka­sama ni Empress sa Kahit Ayaw Mo Na sina Kristel Fulgar  at Andrea Brillantes na idinirehe ni Bona Fajardo, hatid ng Viva Films, Blue Art Productions, Spark Samar, Saga Prefecture FilmCommission, at mapapanood sa mga sinehan sa Dec. 5 nationwide.

 

MATABIL
ni John Fontanilla