HATAW! D'yaryo ng Bayan hatawtabloid.com
SA pakikipag-usap namin kay Marian Rivera, sinabi niyang mas hirap siya ngayon sa ikalawang pagbubuntis, kompara noon sa panganay nila ni Dingdong Dantes na si Zia.
“Iba ‘yung kay Zia, iba ‘yung ngayon. Siguro ‘pag ikinompara ko, mas madali ‘yung kay Zia kaysa ngayon. Hindi ko nga alam, eh. ‘Yung kay Zia, hindi ako malakas kumain, dito, sobrang lakas kong kumain,”sabi ni Marian.
Patuloy niya, “Tapos ‘yung kay Zia, mahilig ako sa mga chocolate, sa candies, ngayon baligtad, gusto ko mga maaasim at maalat. Ang mga kinakain ko, kamias, manga, at saka maaalat. Weird nga, eh. Tapos, minsan, ‘pag bumabiyahe ako, ‘pag traffic, tapos parang ang gulo ng kalsada, nahihilo at nasusuka ako.”
Sa kamias naglilihi ngayon si Marian.
“’Yun ang unang-unang hinanap ko kay Dong, gusto ko ng kamias.”
Kahit sa gabi ba, naghahanap siya ng kamias?
“Hindi! Mabait akong magbuntis, eh. ‘Pag araw lang, para hindi mahirap hanapin. At saka roon sa unahan ng bahay namin, may puno ng kamias. Pinipitas-pitas na lang naming.”
So, ayaw niya na ngayon ng chocolates?
Babae ba ulit o lalaki na ang susunod na magiging anak nila ni Dingdong?
“Ise-share naman namin sa inyo kung anong gender sa end of November,” ang natatawang sagot ni Marian.
“Maraming hula, babae raw. May mga nagsasabi, boy naman.”
Pero para kay Marian, okey lang sa kanya kung babae ulit o lalaki na ang susunod na magiging anak nila ni Dingdong.
“Kahit ano, okey ako. Pero sana, bigyan pa kami ni Lord, huwag ito ang last, isa pa. Hindi pa nga lumalabas (‘yung baby), humihirit na agad,” natatawang sabi pa ni Marian.
MA at PA
ni Rommel Placente
