HATAW! D'yaryo ng Bayan hatawtabloid.com
HINDI naiwasang maiyak ng Eat Bulaga co-host na si Ten Ten Mendoza aka Kendoll sa pagwawagi sa katatapos na Philippine Movie Press Club 32nd Star Awards for Television 2018 noong October 14 , sa Lee Erwin Theater Ateneo De Manila Quezon City. Nagwagi bilang Best New Male TV Personality si Kendoll.
Pasasalamat ang gusto nitong ipaabot sa pamunuan ng PMPC, Eat Bulaga, at sa alagang si Alden Richards.
“Siyempre po nagpapasalamat ako sa PMPC (Philippine Movie Press Club) dahil napansin nila ‘yung paglabas ko sa ‘Eat Bulaga’.
“Maraming-maraming salamat po sa award na ibinigay n’yo sa akin, PMPC at siyempre sa Eat Bulaga at sa alaga kong si Alden Richards.
“Alam niyo naman po ako ang kasa-kasama niya sa taping, pero dahil nga nag e-‘Eat Bulaga’ ako, hindi ako nakakasama sa taping niya kahit sa out of town niya. Pero okey lang kay Alden at pinapayagan niya ako.
“Ang saya-saya po kasi hindi ko ni minsan pinangarap na aakyat ako ng stage para tumanggap ng award.
“Noong na-nominate nga ako, sobrang saya ko na at hindi na ako nag- expect pa na mananalo dahil mga sikat na artista ‘yung mga kalaban ko.
“Sabi ko nga sa sarili ko, a-attend ako ng Star Awards para samahan ko ‘yung alaga ko na nominated din.
“Pero sabi nila magbihis ako kasi nominated din ako. Kung ano ‘yung damitan ko sa ‘Eat Bulaga’ sa Boss Madam Segment at bilang si Kendoll.”
Naiyak si Kendoll nang tanggapin ang award dahil, “Sobrang kaba po. Hindi kasi ako makapaniwala na mananalo ako and first time kong tumuntong ng stage na ako ‘yung bibigyan ng award.
“Tapos ang daming tao, tintingnan ko sila, lahat sila nakangiti kinakabahan talaga ako.
“Iba po pala kapag nakatanggap ka ng award sa PMPC at nasa stage ka na sobrang nakakakaba. Ibang-iba ‘yung nasa ‘Eat Bulaga’ ako araw-araw nakakaloka,” pagtatapos ni Kendoll.
MATABIL
ni John Fontanilla
Andi, ‘di iiwan ang pag-arte kahit tumira sa isla
WEMSAP, kinabog ang ibang beauty pageant
Ryan Kolton, wish makatrabaho si Liza Soberano
Kenken Nuyad, malaki ang pasasalamat kay Coco
Papa Obet ng Barangay LS 97.1, haharanahin ang mga Pinay
