HATAW! D'yaryo ng Bayan hatawtabloid.com
PATAY ang mayor ng bayan ng Supiden sa lalawigan ng La Union makaraan pagbabarilin ng hindi kilalang mga suspek nitong Lunes ng gabi, ayon sa pulisya kahapon.
Ayon kay Bangar Police C/Insp. Cirilo Butigan, si Mayor Alexander Buquing at kanyang misis na si Vice Mayor Wendy Buquing, ay pauwi sa kanilang bahay nang harangin ng mga suspek ang kanilang sasakyan at sila ay pinagbabaril sa Brgy. Cadapli.
Isinugod sa ospital ang mga biktima ngunit idineklarang dead on arrival si Alexander.
Ayon sa staff members ng Ilocos Sur District Hospital, ang mayor ay may mga tama ng bala sa iba’t ibang bahagi ng kanyang katawan.
Ang driver ng alkalde na si Bonifacio Depdepen at kanyang bodyguard na si Rolando Juan Be, ay napatay rin sa insidente.
Habang si Wendy ay patuloy pang nilalapatan ng lunas sa pagamutan.
Sinabi ni S/Supt. Ricky Layug, director ng La Union Provincial Police Office, ligtas na ang kalagayan ng bise alkalde.
Hindi pa malinaw ang motibo sa pananambang, ayon sa mga imbestigador. Nagbuo na ang special investigation task group na mag-iimbestiga sa insidente.
HATAW News Team
