Saturday , May 10 2025
arrest prison

4 Chinese sa kidnapping ng kababayan pinalaya ng Pasay Police

ARESTADO ng mga tauhan ng Pasay City Police ang apat Chinese national nang dukutin at saktan ang isang kapwa Chinese na may mala­king utang sa kanila, sa loob ng isang hotel sa lungsod, iniulat ng Southern Police District (SPD) kahapon.

Kahapon, sinabi ni Pasay City Police chief, S/Supt. Noel Flores,  wala na sa kanilang kus­todiya ang mga suspek na sina Wu Ping, 36; Wang Xin Nong, 31; Wie Wang, 34, at Wu Luo, 34, negosyantepawang Chinese nationals, ng Pinpin Street, Binondo, Manila.

Ayon sa opisyal, nitong Sabado sinam­pahan ng kaso sa Pasay Prosecutor’s Office ang apat Chinese, ngunit hindi lumutang ang biktimang si Xiao Jie, 25, isa pang Chinese national, cashier, at nanunuluyan sa 609 6th Floor Montesito Residential Resort, Brgy. 183, Pasay City, sa halip ay naghain ang kanyang abogado ng affidavit of desistance na nagsasabing hindi na siya magsa­sampa ng kaso laban sa apat na suspek.

Batay sa ulat ng SPD, hinuli ng mga awtoridad ang apat suspek sa Room 309 ng Hotel 101 sa EDSA Extension, Brgy. 76 sa Pasay City, dakong 1:00 ng madaling-araw nitong 29 Setyembre.

Ayon kay Flores, 28 Setyembre, dakong 8:00 pm nang personal na nagtungo sa himpilan ng pulisya ang isang casino agent na si ZhinKun Guo, kaibigan ng bikti­ma, at humingi ng police assistance para sa pagsagip kay Jie na umano’y dinukot ng apat suspek at dinala sa naturang hotel bago nag-demand ng P470,000.

Sinasabing malaki ang umano’y pagkakau­tang ng biktima sa mga suspek kaya kinidnap siya at pinahirapan nang dalawang araw.

Agad nagsagawa ng operasyon ang Pasay Police kaya agad na naaresto ang apat Chinese national.

 (JAJA GARCIA)

About Jaja Garcia

Check Also

Anti Kid Peña

Paulit-ulit na Paglabag  
Campaign posters ni Kid Peña, natagpuan sa loob ng Makati barangay hall

MATAPOS mahuling may campaign materials din ang running mate na si si Luis Campos sa …

Benhur Abalos

Abalos, gustong palawakin gamit ng Special Education Fund ll

HINIMOK ni dating Interior and Local Government Secretary at senatorial candidate Benhur Abalos ang pamahalaan …

Benhur Abalos

Boots Anson-Rodrigo, film executives inendoso si Benhur Abalos sa Senado

ni ROMMEL GONZALES SA unang pagkakataon ay nag-endoso ng isang political aspirant ang respetadong aktres …

Sam SV Verzosa 2

Tunay na pagbabago sa Maynila sigaw ni SV: Nagpasalamat kina Isko at Honey

MARICRIS VALDEZ “MAYNILA handa na sa tunay na pagbabago Ipapanalo ko kayo! Ito ang mga salitang …

Sharon Cuneta Kiko Pangilinan Kakie Pangilinan

Anak ni Sharon na si Kakie idinaan sa sulat kamay na liham paghingi ng suporta sa amang tumatakbong senador

ni MARICRIS VALDEZ IBINIDA ni Sharon Cuneta ang makabagbag-damdaming liham ng kanilang anak ni senatorial candidate Francis “Kiko” …

Leave a Reply

Your email address will not be published. Required fields are marked *