Direk Fifth, type maging leadingman si Jameson Blake

ANG Hashtag member na si Jameson Blake ang gustong maging leadingman ni Direk Fifth Solomon kapag magbibida at gagawa siya ng pelikula na ang tema ay gay movie.

Tsika ni Fifth na sobrang happy sa lakas sa takilya ng kanyang debut movie na Nakalimutan Ko Nang  Kalimutan Ka, “Ang hirap kasi magdirehe while umaakting ka, parang ‘di ko kaya ‘yung ganoon.

“Pero if ever na ako ‘yung artista siguro si Jameson (Blake) cute kasi, kaibigan ko rin ‘yan, supportive ‘yan sa movie ko.”

Pero kung ‘di ikaw ang magdidirehe okey ba sa ‘yo na si Jameson ang makakasama mo?

“Ehhhh,” tili ni Fifth. “Si Jameson para kayong tanga,” (nakangiti at kinikilig na pahayag ni Fifth).

“Si Jameson guwapo ‘yan, magaling at mabait pa, why not ‘di ba,” pagtatapos ni Fifth.

MATABIL
ni John Fontanilla