Budget ni Mocha nais isalang ng solon sa Kamara

BUBUSISIIN ng Kama­ra ang budget ng Pre­sidential Commu­nica­tions and Operations Office (PCOO) imbes ibigay ang hiling nito na dagdagan ang pondo nila.

Ayon kay House Deputy Speaker Rep. Fredenil Castro ng Capiz ipina-defer nila ang pagdinig sa budget ng PCOO dahil hindi na­man nito nagagastos nang maayos ang kani­lang pondo.

“Kasi ‘yung absorp­tive capacity ang pag-uusapan ay nakikita na­man natin na medyo bagsak din ito,” ani Cas­tro.

Marami, aniyang, issue kaya pinababalik ang PCOO na kasama si Asec. Mocha Uson.

Ayon kay Castro ma­raming issue sa kanya, simula pa noong 2016 marami nang kapalpakan at mukhang nagpapa­tuloy itong kapalpakan hanggang ngayon.

“Hindi natin mapa­lalagpas dahil ginagamit ang pondo ng mga ma­ma­mayan, alam naman natin kung gaano kahirap kitain ng mamamayan ang kanilang suweldo at ipambabayad pa sa mga tax tapos ibibigay natin sa mga inefficient,” giit ni Castro.

Sa 13 Oktubre, sa pagbalik ng PCOO, “tata­nungin ko siya roon sa ilang issues katulad ng ‘pepe-dede’ ‘yung nakita kong parang may korup­siyon doon sa ASEAN.

Ang isyu tungkol sa pambabastos sa mga deaf mute ay tatalakayin din sa pagdinig.

“Dati akong guro ng SPED at hindi katang­gap-tanggap sa akin ‘yung pambabastos niya sa mga deaf and mute community at hindi ko ito mapap­a-lagpas hang­­ga’t hindi siya talagang mag-ano… ha­ra­pin niya ang mga kongresista, harapin niya ang mga repre­sen­tante ng mga mama­mayan kung worth nga ba siya na maging Asec o dapat na mag-resign na rin siya,” pahayag ni Castro.

(GERRY BALDO)