HATAW! D'yaryo ng Bayan hatawtabloid.com
NAKATUTOK ngayon ang magaling na singer/comedian na si Mojack sa promo ng single niyang Katuga. Si Mojack ay nasa Lodi Records na at ang Katuga ang unang single niya rito. After ng tour niya sa Bicol, tuloy-tuloy siya sa promo nito.
Saad niya, “Busy po ako sa pagpo-promote ng aking single/album na ‘KATUGA’ under Lodi Records, sub-label siya ABS CBN Star Music. Sa ngayon po ay puspusan na rin ang rehearsal namin ng aking grupong banda, ang Indi Pen de Mojack.
“Sobrang masaya po ako nang malaman ko na isa na ako sa Lodi artist sa tulong ng ating magaling na singer, rapper, composer na si Blanktape. Nang iharap niya ako sa mga big boss ng Lodi Records ay nagustuhan nila ang aking estilo sa pagkanta.”
Recently ay nag-guest din si Mojack sa Medyo Late Night Show with Jojo A. at kinanta niya ang KATUGA. “Dito ko po unang kinanta ang single album kong KATUGA live na ang ibig sabihin po ay KAin, TUlog, GAla para po sa mga ayaw po kumilos at umaasa na lang po sa mga pamilya nila, hahaha! Galaw-galaw naman po tayo para sa future at huwag masyadong umasa sa pamilya.
“Salamat din sa isang kaibigan na ipinamana niya sa akin ang kanyang kanta, ‘di ko na lang po sasabihin kung sino po siya dahil siya po ay nasa langit na,” aniya.
Fast song ba ang KATUGA? Tugon ni Mojack, “Opo, ito po ay danceable na puwede pong sayawin gaya ng zumba, ito po ay reggae-novelty… Natutuwa nga ako sa isang DJ News anchor ng isang radio station (Big Sound FM) dahil bukod sa pinatutugtog niya ay ginawa pang background music niya ang KATUGA, habang pinagsasabihan niya on air ang mga tatamad-tamad na sambayanan.
“So, nakakataba po talaga ng puso kaya nagpapasalamat din po ako sa todong suporta ni sir Weng dela Peña at salamat din po pala sa kapamilya ko rati, ang Brigada News FM National at nakapasok na rin po sa playlist nila ang aking awitin. Specially sa Batangas, salamat po Mam Leo and Sir Angel ng Brigada.
“Salamat din po sa Castar Production Talent Management for guesting me sa One Dream Fashion show, kay Mr. and Mrs. Corbito, thanks po,” wika pa niya.
ALAM MO NA!
ni Nonie Nicasio
