HATAW! D'yaryo ng Bayan hatawtabloid.com
NABUKO ni Willie Revillame ang modus ng mga booker sa kanyang variety game show na niraraket ang mga kaawa-awa nating kababayan na gustong maging parte ng studio audience na kanilang pineperahan.
Ang Eat Bulaga ay aware sa mga ganitong modus kaya naman sa kanilang Official Facebook Fan Page ay mahigpit ang kanilang paalala sa lahat ng Dabarkads na gusto silang mapanood nang live sa Broadway Studio.
At narito ang paraan para kayo makapasok sa Broadway Studio: 1 – First come, first served basis po ang aming booking. Magpunta lang po sa Broadway Centrum, Lunes hanggang Huwebes, 3:00 to 5:00 ng hapon para magpasa ng inyong request letter.
Maaari po kayong tumawag sa (02) 631-5501 mula Lunes hanggang Biyernes para sa inyong mga katanungan at hanapin si Maila. Sa mga balikbayan, puwede pong ang kamaganak nila sa Maynila ang mag-book in advance para sa kanila, magdala lang po ng kopya ng passport ng balikbayan na uuwi at valid ID po ng kamag-anak na magbo-book. Sa mga excursionist – magdala po ng letter ng inyong grupo, barangay clearance, valid ID 2 – Ang programang Eat Bulaga ay free entrance sa lahat po ng manonood. Hindi sila tumatanggap ng reservation online.
VONGGANG CHIKA!
ni Peter Ledesma
