Justin Brownlee magiging Pinoy

MAGIGING Filipino na ang magaling na basketbolista na si Justin Brownlee matapos ang paghahain ng pormal na panukala para sa proseso.

Ang pagiging Pinoy ni Brownlee, ang namayagpag na best import sa PBA Commis­sioner’s Cup, ay nakapaloob sa House Bill 8106 na inihain ni 1-Pacman Partylist Rep. Mikee Romero.

Ani Romero karapat-dapat bigyan ng Filipino citizenship si Brownlee na unang naglaro sa bansa noong 2016 bilang import ng Barangay Ginebra.

Malaking karangalan uma­no ang ibinigay ni Brownlee sa Philippine Basketball Associa­tion (PBA) at mga tagahanga ng basketball sa bansa.

Nagpahayag si Brownlee ng kanyang pagnanais na maging Pinoy at manirahan sa bansa noong nakaraang linggo sa kanilang victory party na gina­nap sa Metro Tent Convention Center sa Lungsod ng Pasig.

 (GERRY BALDO)