Tuesday , May 20 2025
Yeng Guiao
Yeng Guiao

Guiao alanganin pa sa NT head coaching job

PAGTAKBO sa Kongreso o pagtanggap ng posisyon bilang permanenteng head coach ng national team?

Iyan ngayon ang mabigat na desisyong kailangang pagpilian ni Guiao sa oras na pormal na mabigyan ng alok ng Samahang Basketbol ng Pilipinas (SBP) na manatili sa pambansang kopo­nan.

Sa ngayon, pansamantala pa lang ang posisyon ni Guiao bilang kapalit ng orihinal na punong-gabay na si Chot Reyes na nakatakdang magsilbi ng isang larong suspensiyon sa pagsisimula ng ikalawang round ng 2019 FIBA World Cup Asian Qualifiers sa susunod na linggo.

“It will affect ‘yung pre­vious plans na I feel, importante rin sa career at buhay din natin,” sagot ni Guiao sa naturang posibilidad na malagay bilang permanenteng head coach ng pambansang koponan.

Noong nakaraang Linggo ng gabi, inamin ni SBP chairman emeritus at national team pa­tron na si Manny V. Pangilinan na tinitingnan ng SBP na ilagay na si Guiao sa naturang national team program kapalit ni Reyes matapos ang kanyang magan­dang performance sa 18th Asian Games.

“Kasi I’m running for Congress. October is the filing for certificate of candidacy so once I file, I have to work there also. Kailangan ko rin mag­trabaho roon,” paglilinaw ni Guiao na dating kinatawan ng first district ng Pampanga.

Kasalukuyang nagsisilbi bilang head coach ng NLEX sa PBA si Guiao at pangarap din sa­nang magabayan ang natio­nal team katulad ng kahit sinong coach sa bansa.

“Any coach would love the position of national coach. ‘Yan ang pangarap ng lahat ng coaches and I’m one of them. Kung hindi lang na-set ‘yung mga ibang plano, I’ll grab that,” dagdag niya.

Sa ngayon, pananatilihin ni Guiao na bukas ang kanyang kampo sa anomang posibilidad ngunit idiniin na saka na siya tatawid sa tulay kung naalok na nang tuluyan ang naturang posisyon mula sa SBP.

“Hindi naman mangga­galing sa akin so I cannot really answer that question catego­rically. If SBP wants to make that announcement, I think they will in time. If there is anything official, it will have to come from them,” paliwanag ni Guiao.

“All I can say is for sure I’ll be handling this window. ‘Yung mga susunod after the 17th, after the Qatar game, it’s SBP that will make the announce­ment.”

Kasalukuyang nasa araw-araw na ensayo ang pamban­sang koponan bago ang pag-alis nila patungong Iran sa 10 Setyembre.

Dadalhin ng Filipinas ang 4-2 kartada sa first round sa krusyal na second round kontra sa Iran sa 13 Setyembre at sa Qatar sa 17 Setyembre.

ni John Bryan Ulanday

About John Bryan Ulanday

Check Also

Marc Kevin Labog

PH chess wizard Marc Kevin Labog naghari sa Bangkok chess tilt

NAGHARI si PH chess wizard Marc Kevin Labog sa katatapos na JCA Blitz May 2025 …

PVL Rookie Draft 2025

Mga nagnanais sumali sa PVL, may isang linggo na lang bago ang deadline ng draft

ISANG linggo na lamang ang natitira para sa mga kabataang atleta na nagnanais makapasok sa …

Sherwin Meneses Creamline

Creamline Wagi bilang Team of the Year, Meneses Coach of the Year

MAS dinagdagan pa ng Creamline ang karangalan nito matapos masungkit ang Team of the Year …

PCAP Chess Champions

Toledo-Xignex Trojans bida sa PCAP

SA WAKAS, nagwagi ang Toledo-Xignex Trojans sa online team chess tournament ng Professional Chess Association …

Jonathan Ng Creamline Cool Smashers Rebisco

Ng, pararangalan bilang PVL Press Corps Executive of the Year

PARARANGALAN si Jonathan Ng, Vice president at CEO ng Republic Biscuit Corporation (Rebisco) Group of …

Leave a Reply

Your email address will not be published. Required fields are marked *