Thursday , August 18 2022

Suarez hinirang na minority leader

SA gitna ng batikos at protesta, hinirang ng Mababang Kapulungan ng Kongreso bilang mino­rity leader si Rep. Danilo Suarez ng Quezon.

Pinagbotohan ng ma­yor­ya sa plenaryo sa pamamagitan ng “ayes and nays” kung sino ang minority leader pagkata­pos ng ilang araw ng matinding debate kung karapat-dapat ba si Sua­rez na maging mino­rity leader sa kabila ng pag­suporta sa kudeta ni Pampanga Rep. Gloria Macapagal Arroyo laban kay Rep. Pantaleon Alva­rez  ng Davao.

Giit ni Marikina Rep. Miro Quimbo, isa sa mga katungali ni Suarez sa puwesto, hindi puwede si Suarez maging lider ng minorya dahil bumoto at nangampanya siya para kay Arroyo.

Alinsunod sa pataka­ran sa Kamara, ang lahat ng bumoto sa nanalong speaker ay magiging parte ng mayorya.

Ang posisyon ni Quimbo ay sinangayunan ni dating Majority Leader Rodolfo Fariñas na nagtulak kay Rep. Eugene Michael de Vera bilang minority leader.

Ayon kay Fariñas, si De Vera, ay ang nag-iisang miyembro ng mi­nor­ya na hindi bumoto kay Arroyo at bilang assistant minority leader ni Suarez ay may kara­patan na angkinin ang puwesto na iniwan ni Suarez nang bumoto siya kay Arroyo.

Ayon kay House Majority Floor Leader at Camarines Sur Rep. Rolan­do “Nonoy” Anda­ya, Jr., tapos  na ang isyu sa minorya.

“I would like to finally resolve the mino­rity leadership issue… and recognize Rep. Suarez as the minority leader,” ani Andaya.

Sabi ng mga kagrupo ni Quimbo, isang hilaw na minorya sila Suarez.

Ayon kay Suarez, hindi naman nabakante ang puwesto niya nang nagkaroon ng pagpapalit ng Speaker.

Isa si Suarez sa 184 mambabatas na bumoto kay Arroyo.

“Paano,” ani Quim­bo, “gagampanan ni Suarez ang liderato ng minorya bilang “fis­calizer” kung kaalyado siya ng mayorya?”

ni Gerry Baldo

About Gerry Baldo

Check Also

Kelot na tulak arestado P40-K SHABU NASABAT SA CALAMBA, LAGUNA

Kelot na tulak arestado
P40-K SHABU NASABAT SA CALAMBA, LAGUNA

ARESTADO ang isang lalaking nasamsaman ng higit sa P40,000 halaga ng hinihinalang shabu nitong Lunes …

shabu drug arrest

Nabuking sa palusot na shabu
2 TULAK TIKLO SA BULACAN

BIGO ang dalawang pinaniniwalaang notoryus na tulak na mailusot ang ibibiyahe sana nilang shabu nang …

Joel Villanueva Bulacan

 “Ituro at ikuwento sa ating mga anak ang mayamang kasaysayan ng Bulacan.” – Sen. Villanueva

HINIKAYAT ni Senate Majority Floor Leader Senator Joel Villanueva ang mga Bulakenyo na ipasa sa …

Matthew Baccay Cesar Pasiwen Bulacan PNP PRO3

P/BGen. Pasiwen itinalaga na bilang Central Luzon Top Cop

IPINAUBAYA na ni P/BGen. Matthew Baccay ang kanyang puwesto kay P/BGen. Cesar Pasiwen nitong Martes, …

Angelica Panganiban Camille Prats

Angelica inamin nagkaroon ng trauma ‘pag nadadagdagan ang timbang

MA at PAni Rommel Placente SA guesting ni Angelica Panganiban sa Youtube vlog ng kaibigan na si Camille Prats, ay …

Leave a Reply