Echo, pagod nang sumagot kung kailan magkaka-anak

AYON kay Jericho Rosales, napapagod na siya sa kasasagot sa tanong sa kanya kung kailan sila magkaka-baby ng misis niyang si Kim Jones.

Hanggang ngayon nga kasi, ay hindi pa rin buntis si Kim sa kabila ng tatlong taon na silang kasal ni Echo.

“I don’t get insulted. I must admit there was a time na napagod na ako ng kasasagot, ‘Bakit ‘di pa kayo magkaka-baby?’ Because why? ‘Pag magkaka-baby na kami, I’m going to celebrate that, and I’m going to tell everyone.”

Huwag sanang gawing default question ito sa mga couple na wala pang anak.

“I just feel for the people. I know some people that they cannot have a baby, so let’s be careful asking people kung ‘kailan ba kayo magkaka-baby?’”

Isa si Jericho sa bida sa bagong serye ng ABS-CBN 2 na Halik, na mapapanood na simula sa August 13 pagkatapos ng Bagani.

MA at PA
ni Rommel Placente