HATAW! D'yaryo ng Bayan hatawtabloid.com
MALAKI ang utang na loob ni Noven Belleza sa Tawag ng Tanghalan ng It’s Showtime. Simula kasi nang tanghalin siyang grand champion ng Season 1 ng TnT, Malaki na ang nagbago sa buhay at career niya.
Napag-alaman naming bukod sa napanalunang P2-M cash, house and a lot, nakabili na rin siya ng iba’t ibang properties para sa kanyang pamilya. Dagdag pa ang sariling farm na ang ipinambili niya ay ang cash na napanalunan mula sa TnT.
“Kung hindi po ako pinalad sa TnT, siguro nag-aararo pa rin po ako ngayon sa probinsiya. Araw-araw po talaga naming kayod sa tubuhan para mapunan ‘yung pagkukunan namin sa buong linggo.
“Malaki po talaga ang naitulong ng Tawag Ng Tanghalan sa akin—lalong-lalo na po sa pamilya ko,” ani Noven sa presscon ng paglulunsad ng TNT Records na magpe-perform din sa TNT All Star Showdown concert kasama ang iba pang TNT winners at grand finalists.
Idinagdag pa ni Noven na gusto pa niyang dagdagan ang nabili niyang farm.
SHOWBIZ KONEK
ni Maricris Valdez Nicasio
