HATAW! D'yaryo ng Bayan hatawtabloid.com
ISANG araw lang naiulat pero hindi na nasundan.
Ang tinutukoy namin ay ang balita kamakailan sa lumabas na selfie ni dating Senator Bong Revilla sa loob mismo ng PNP Custodial Center sa Camp Crame. Kalakip ng litratong ‘yon ang kanyang pagsisintir dahil sa kanyang pagkakapiit sa loob ng apat na taon.
Earlier, naiulat na nitong buwan daw ng June makalalaya ang mambabatas na pinapanagot sa kasong plunder o pndarambong. Anong petsa na?
Pero ayon sa kampo ni Bong, lumang photo ‘yon. At hindi sila ang nag-upload niyon na nag-viral sa social media.
Pero paano nila maipaliliwanag ang kalakip na caption ng larawan, luma bang matatawag ‘yon?
Ang sabi, iimbestigahan ang kaso na posibleng may nakapagpuslit ng gadget na mahigpit na ipinagbabawal sa bilangguan.
Anong petsa na rin ngayon as we write this? Bakit tila ang bagal ng dapat sana’y agarang imbestigasyon? Dahil ba kung sakaling mapatunayang hindi luma kundi recent ang selfie na ‘yon, malamang ba na mauunsiyami pa ang paglaya ni Bong?
Pero kung hindi man natuloy ang kanyang release from jail nitong June, possible kayang bago sumapit ang buwan ng Oktubre?
Remember na sa buwan na ‘yon ang filing ng COC para sa mga tatakbo sa 2019 mid-term elections. Teka, may balak bang tumakbo si Bong to begin with?
HOT, AW!
ni Ronnie Carrasco III
