HATAW! D'yaryo ng Bayan hatawtabloid.com
READ: Nota Bene: Mura, away sa pari bawal: Duterte may ‘gag order’ sa speech
READ: Tulong ni Evasco ikinasa sa dialogo sa simbahan
READ: Pray over ‘di tatalab kay Digong — Solon
NILAPASTANGAN ni Pangulong Duterte ang kanyang oath of office sa pagtawag niya sa Diyos na “stupid.”
Ayon kay Rep. Edcel Lagman ng Albay, ang oath of office ni Duterte ay natatapos sa mga katagang “So help me God” habang nakapatong ang kanyang kamay sa Banal na Biblia.
Pagkatapos humingi ng pahintulot sa Panginoon sa pagtupad ng kanyang mga tungkulin ngayon ay kanyang aalipustahin, ani Lagman.
Ito ay paglabag sa kanyan taimtim na panunumpa, dagdag ni Lagman.
Hindi, aniya, siya nagugulat sa pagkawala ni Duterte ng katapatan sa mga tao sa kabila ng patuloy na pagsakop ng China sa maliliit na isla at bahura sa loob ng exclusive economic zone ng Filipinas sa West Philippine Sea.
Para kay Akbayan Rep. Tom Villarin itinaboy ni Digong ang karamihan na Kristiyano sa bansa.
Ito umano ay nagpapakitang magulo ang utak ng Presidente kabilang ang walang humpay na pagbanat sa mga tao at institutions na mapamintas sa kanya.
Sa isang talumpati sa Davao noong Biyernes tinawag ni Digong ang Panginoon na estupido habang kinuwestiyon niya ang pagpapabaya umano ng Diyos kay Adan at Eva na magkasala.
(Gerry Baldo)
