Saturday , April 12 2025

Digong minolestiya ng pari

BINIGYAN katuwiran ng Palasyo ang pang-aalispusta at pagmumura ni Pangulong Rodrigo Duterte sa mga pari at sa Simbahang Katolika dahil bunga raw ito ng naranasang trauma ng Punong Ehekutibo.

Sinabi ni Presidential Spokesman Harry Roque, kaya galit si Pangulong Duterte sa Simbahang Katolika ay bunsod nang naranasang pangmo­mo­les­tiya ng pari noong siya’y estudyante pa.

“Now lang siguro pupuwede po nating big­yan ng atensiyon nga­yon ay kung bakit ganoon ang galit ng Pangulo sa Sim­bahang Katolika. E ito nga po iyong karanasan niya, noong bata raw siya ay namolestiya siya. Pa­na­hon na po siguro na i-address natin itong isyu na pagmomolestiya ng mga batang lalaki sa Sim­bahang Katolika, sabi ni Roque.

Dahil sa sinapit aniya ng Pangulo ay nanawagan si Roque sa Simbahan na aminin ang mga insidente ng pangmomolestiya sa mga batang lalaki, paim­bestigahan at gumawa ng mga hakbang upang mai­wasan ito.

Personal aniyang pa­ni­nin­digan ng Pangulo ang pagkuwestiyon sa bersiyon ng Biblia sa pinagmulan ng tao at hin­di kailangan bigyan ng interpretasyon.

May kalayaan aniya sa malayang pananam­pa­lataya ang bawat nila­lang at kasama rito ang huwag magkaroon ng pananampalataya.

“Iyong sinabi ng Pa­ngulo tungkol sa Pa­nginoon. Ang pani­nindi­gan po natin diyan, iyan po ay personal na pani­niwala ng ating Pangulo. Ang kalayaan po ng malayang pana­nampa­lataya, kasama po riyan iyong kalayaan na huwag magkaroon ng kahit a­nong pananampalataya. Personal po iyan kay Presidente, hindi kinaka­ilangang bigyan ng inter­pretasyon. Iyan ang paniniwala niya full stop,” ani Roque.

Kinailangan aniya na ang isang biktima e maging Presidente para maisapubliko, mapag-usapan at magkaroon  ng solusyon ang isyu.

ni ROSE NOVENARIO

About Rose Novenario

Check Also

Kerwin Espinosa

Self-confessed drug lord Kerwin Espinosa na tumatakbong alkalde sugatan sa pamamaril

ANG SELF-CONFESSED drug lord na si Kerwin Espinosa, na kasalukuyang tumatakbo sa pagka-alkalde ng Albuera, …

Hepe ng BENRO kinilala ang papel ng mga kawani sa tagumpay ng tanggapan

Hepe ng BENRO kinilala ang papel ng mga kawani sa tagumpay ng tanggapan

SA LAYUNIN na itaas ang moral ng mga empleyado at kilalanin ang kanilang mahalagang kontribusyon …

PRC LET

Specialized Licensure Examinations tugon sa Teacher-Subject Mismatch

IKINATUWA ni Senador Win Gatchalian ang paglagda ng isang joint memorandum circular sa pagitan ng …

Chiz Escudero Imee Marcos

Imee desmayado sa ‘di paglagda ni SP Chiz sa contempt order vs special envoy

DESMAYADO si Senadora Imee Marcos, chairman ng Senate committee on foreign relations, nang hindi lagdaan …

Vince Dizon DOTr

Ngayong Semana Santa
Ligtas at maginhawang paglalakbay tiniyak ng DOTR

TINIYAK ni Department of Transportation (DOTr)  Secretary Vince Dizon sa publiko ang maayos at ligtas …

Leave a Reply

Your email address will not be published. Required fields are marked *