HATAW! D'yaryo ng Bayan hatawtabloid.com
HINDI natinag si Pangulong Rodrigo Duterte sa lightning rally na isinagawa ng may sampung aktibista sa harap niya bago magtalumpati sa 120th Independence Day sa Kawit, Cavite kahapon ng umaga.
“Hayaan mo lang. It’s a freedom of speech. You can have it. Okay lang. I will understand,” ani Duterte habang hinihila palayo ng mga pulis at mga kagawad ng Presidential Security Group (PSG) ang mga miyembro ng Bagong Alyansang Makabayan – Southern Tagalog (Bayan-ST) na humihiyaw ng “Patalsikin si Duterte.”
Anang Pangulo, garantisado ng Konstitusyon ang freedom of the press, freedom of assembly and free expression” kaya ang payo niya sa mga awto-ridad, pairalin ang maximum tolerance sa mga aktibista.
Aminado ang Pangulo, may mga bagay na hindi pinagkakasunduan ngunit may tsansa na ibinigay ang Saligang Ba-tas na ihalal ang kursu-nadang maging pangulo ng bansa kada anim na taon.
“E hindi man ho natin… We cannot agree at all times for all seasons. But at least we have this exercise once every six years I suppose under this new Constitution and you can elect the leaders that you want to run the country,” paliwanag ng Pangulo.
Sinampahan ng kaso ng Cavite Provincial Office ang isa sa 10 nagsagawa ng lightning rally sa Aguinaldo Shrine kasabay ng pagsisimula ng talumpati ni Pangulong Duterte kahapon.
Sinabi ni Cavite Provincial Police director, S/Supt. William Segun, kasong paglabag sa Article 153 ng Revised Penal Code o disturbance of peace ang isasampa laban kay Fancis Couichie Rafael na dumayo sa Kawit mula sa Biñan, Laguna. Nakatakas ang siyam iba pang kasamahan ni Rafael.
(ROSE NOVENARIO)
