3 tiklo sa shabu session sa Pasay

HULI sa aktong bumaba­tak umano ng ilegal na droga ang isang lalaki at dalawang babae sa isang bahay sa Pasay City, nitong Miyerkoles ng gabi.

Nakapiit ngayon sa detention cell ng pulisya ang mga suspek na sina Ramon Robillos, Ritchel Telen at Joan Prias, pa­wang nasa hustong gu­lang, at nakatira sa Brgy. 75, Pasay City.

Base sa ulat na ipina­rating ng Southern Police District (SPD), inaresto ng mga tauhan ng Police Community Precinct (PCP) Libertad, ang tatlong suspek sa loob ng bahay sa 108 Ignacio Street, Bgry. 75, dakong 11:00 ng gabi.

Unang nakatanggap ng sumbong ang mga awtoridad mula sa isang concerned citizen kaug­nay ng umano’y nagaga­nap na shabu session sa lugar dahilan upang magkasa ng ope­ras­yon ang mga pulis.

Nabulaga at hindi pumalag ang tatlong sus­pek nang mahuli umano sa aktong bumabatak ng shabu. Mahaharap ang mga suspek sa paglabag sa Comprehensive Da­nger­ous Drugs Act of 2002 (RA 9165) sa Pasay Prosecutor’s Office. (JAJA GARCIA)