HATAW! D'yaryo ng Bayan hatawtabloid.com
ITINALAGA bilang bagong NCRPO chief si C/Supt. Guillermo Eleazar kapalit ni dating director Carmilo Cascolan sa ikinasang ‘nationwide reshuffle’ ng PNP.
Ang balasahan ay base sa inilabas na memorandum ni PNP chief, Director General Oscar Albayalde, na may petsang 31 Mayo, epektibo nitong 1 Hunyo.
Sa direktiba, si Cascolan na dating NCRPO chief ang bagong director ngayon ng Civil Security Group (CSG), habang si dating PRO Cordillera director, C/Supt. Edward Caranza ang bagong PRO4A-Calabarzon Region Director na pinalitan ni Gen. Rolando Nana bilang OIC PRO Cordillera PNP direcotor.
Habang itinalaga ni Albayalde si C/Supt. John Bulalacao bilang bagong regional director ng PRO6 kapalit ni C/Supt. Cesar Binag na itinalagang bagong hepe ng DICTM.
Mula sa Mindanao, itinalaga bilang bagong MPD director si C/Supt. Rolando Anduyan kapalit ni C/Supt. Joel Coronel na iinalaga bilang deputy regional director for administration ng NCRPO.
Sa nabanggit na memorandum na inilabas ng Directorate for Personnel and Records Management (DPRM), tatlong regional police directors ang apektado sa balasahan, ito umano ay PRO-4, 6 at 7.
Kasabay nito, siniguro ni NCRPO chief Eleazar na paiigtingin niya ang ‘cleansing’ sa PNP, war on drugs at paglaban sa iba’t-ibang uri ng krimen sa Metro Manila. (JAJA GARCIA)
