Agot, pantapat ng LP kay Mocha

SA darating na October ang alam naming buwan ng filing ng mga COC sa mga tatakbo sa idaraos na mid-term elections sa 2019.

Kaya naman this early ay may pagkilos na ang mga partido para buuin ang kanilang tiket lalo na ang Liberal Party.

Ikinukonsidera ni Senator Kiko Pangilinan si Agot Isidro. Ayon sa mga observer, pantapat si Agot kay Mocha Uson mula naman sa PDP-Laban.

Needless to say, kapwa taga-showbiz sina Agot at Mocha, magkaiba nga lang ng larangan.

Bago pa man ikinukonsidera ni Kiko ang ilang mga pangalang bubuo ng kanilang tiket ay nauna nang lumutang ang balitang inaambisyon ni Mocha ang Senado. Ito rin daw kasi ang public clamor sa kanya.

Inuulit namin, daw.

Pero kung si Mocha ang tatanungin ay hindi pa raw siya tiyak. Manunungkulan daw muna siya bilang ASec.

Kung si Agot naman ang tatanungin, nagpahayag na siyang pag-iisipan niya ito nang maige.

But known for her anti-Duterte stance—and for her image as one who speaks her mind—Agot isn’t a bad choice, after all.

Kung kapwa sigurado na sina Agot at Mocha sa kanilang pagtakbo—regardless if they have what it takes to be a lawmaker—ay nakikinita na namin ang tipikal na kaganapan sa magkabukod nilang rally o miting de avance.

Magsisilbing entertainment segment ang pagpapaunlak ng awitin ni Agot at one rally, at ang todo-bigay na pag-indak ni Mocha sa kabila.

When it will be their turn to speak ay madali ring hulaan kung paanong magsasalita sina Agot at Mocha. Malaking bahagi ang magagawa ng kani-kanilang academic background.

Bemedaled si Agot (gumradweyt with honors in her major course, may comm arts degree pa mula sa UP), medical course naman ang tinapos ni Mocha mula sa UST.

Hitsura ng “UAAP” in a non-sports competition!

Teka, hindi ba sumagi sa isip ni Sen. Kiko na kunin din ng kanilang partido si Jim Paredes, dating taga-Apo Hiking Society na isa ring marubdob na anti-Duterte?

HOT, AW!
ni Ronnie Carrasco III