HATAW! D'yaryo ng Bayan hatawtabloid.com
BINIGYAN ng taning ni Pangulong Rodrigo Duterte ang mga tiwaling opisyal ng kanyang administrasyon para magbitiw sa puwesto kaysa sibakin at hiyain niya sa publiko.
“Kaya ‘yang corruption, ‘pag gano’n alis ka (If you’re involved in corruption, just leave). Well, I’ll give you time,” sabi ng Pangulo sa harap ng school principals sa Davao City.
Giit ng Pangulo, ang mga sangkot sa korupsiyon, nabisto man o hindi ay dapat nang kumalas sa gobyerno.
“Those who are into it now, in government, published or otherwise, may you have the sense just to tender the resignation,” aniya.
Inamin ng Pangulo, hindi niya kursunada ang ianunsiyo sa madla ang pagsibak sa mga opisyal ng gobyerno upang hindi malagay sa kahihiyan ang pamilya nila.
“I do not want kasi ‘yung iba noon (because there were others before). I realized that there was this one guy that I fired. Tapos when I started to read the report, may mga anak na abogado, may anak na doktor,” aniya.
“And I am not fond of really insulting people in government. You’d never see na ako mag-insulto gano’n sa publiko. Tawagin kita, doon sa likod. ‘Yan, budyakan kita roon,” sabi ng Pangulo.
ni ROSE NOVENARIO
