HATAW! D'yaryo ng Bayan hatawtabloid.com
LABIS ang pasasalamat ni Mark Anthony Fernandez sa pagkakataong ibinigay sa kanya na maging bahagi ng bagong casts ng FPJ’s Ang Probinsyano na tinatampukan ni Coco Martin. Si Mark ay gu-maganap dito bilang isang congressman na half-brother ni JC Santos at father nila si Edu Manzano na Vice President naman ng Filipinas. Si Alice Dix-son ang asawa ni Edu at step mother naman ni Mark Anthony.
“Sobrang saya ko po, nagpapasalamat ako sa Diyos na nakapiling ko ulit ang showbiz fa-mily ko. Sobrang honored din po na makakasali ako sa FPJ’s Ang Probinsyano at makakasama ko si Coco Martin at ang iba pang magagaling na artista. Bukod kasi sa magagaling ang mga cast nito ay top rating TV series pa ito. Kaya thankful ako kay Coco at sa ABS CBN,” pahayag ni Mark na dating miyembro ng Guwa-pings at isa sa sikat na matinee idol noon.
Dagdag niya, “Noong first time naming nagkakilala ni Coco dito sa Ang Probinsyano, very humble siya, mabait, at worthy talaga siya na maging lead star dito.
“Sabi rin po ng manager ko na si Boss Vic (del Rosario) natuwa po siya at ako, siyempre ay natuwa po talaga ako dahil talagang magandang exposure ito at magandang comeback. So, para at least ay malalaman din ng publiko na back to work na po si Mark Anthony Fernandez.”
Ayaw munang sabihin ni Mark Anthony ang ma-giging role niya rito. ”Surprise na lang po, pero ano ito, very challenging ang gagampanan kong papel dito, maaksiyon na may acting po ang mapapanood nila sa akin dito,” pahayag pa ng anak nina Alma Moreno at ng namayapang action star na si Rudy Fernandez.
Magkakasagupa ba sila rito ni Coco?
Tugon ng aktor, “Definitely ay mayroon kaming sagupaan ni Coco rito, looking forward na ako… Kaya lang surprise po muna, pero alam ko na magkakaroon kami ng head-on na engkuwentro rito ni Coco, salpukan kumbaga na dapat abangan ng lahat,” saad ni Mark Anthony.
ALAM MO NA!
ni Nonie Nicasio
