Wednesday , October 20 2021

Rappler, CIA sponsored — Duterte

“CIA-sponsored” ang online news site Rappler kaya’t ginagamit ang bawat oportunidad para siraan ang administrasyong Duterte.

Ito ang inihayag kahapon ni Pangulong Rodrigo Duterte sa media interview sa kanyang pagbisita sa Sara, Iloilo sa burol ni Joanna Demafelis, ang overseas Filipino worker (OFW) na natagpuan sa freezer sa Kuwait.

Sinabi ng Pangulo, hindi lehitimong media agency ang Rappler, batay sa desisyon ng Securities and Exchange Commission (SEC), hindi Filipino ang may-ari at baka sponsored ng Central Intelligence Agency (CIA) ng Amerika.

“Because it is not a legitimate agency according to SEC. So I am now invoking executive action based on the SEC ruling na kung sabihin na sila legitimate sila, pasok kayo uli. Walang problema sa akin ‘yan. But unless ‘di ka legitimate, ‘di naman Filipino pala may-ari, e bawal ‘yan e. Baka CIA sponsored e bawal ‘yan,” tugon ng Pangulo nang usisain sa pasya niyang ipagbawal na papasukin ang Palace beat reporter ng Rappler sa Malacañang complex.

Giit ng Pangulo, ang CIA, gaya ng Rappler ay sinusunggaban ang bawat tsansa na siraan ang gobyernong hindi sumusunod sa kanila at nag-aalaga ng mga kalaban ng pamahalaan na gusto nilang ibagsak.

“Kasi CIA has been known…’yung Rappler, the newspaper itself…takes every chance to undermine you, that is the history of America, CIA, ‘yang political dissenters inaalagan nila, mamimili sila ng kandidato na mautusan nila,” dagdag ng Pangulo.

Upang patunayan ang kanyang pahayag, hinamon ng Pangulo na basahin ang isusulat ng Rappler hinggil sa kanyang sinabi at tiyak aniya na babaluktutin ito.

“Basahin mo ang Rappler mamaya. You make the report now and they will make a distortion. Basahin mo, tingnan mo ‘yung reporting nila, magkasama man tayo lahat,” dagdag ng Pangulo.

Noong Disyembre 2016,  inamin ng Pangulo na may posibilidad na kumikilos ang Amerika para pabagsakin ang kanyang gobyerno kasunod nang nabulgar na si dating US Ambassador to the Philippines Philip Goldberg ay nagbalangkas ng oust Duterte blueprint.

 

About Rose Novenario

Check Also

Colin Powell

First Black American Secretary of State
COLIN POWELL PATAY SA COVID-19 COMPLICATIONS

BINAWIAN ng buhay si Colin Powell, isang retired four-star general na naging kauna-unahang Black US …

Covid-19 fully vaccinated senior citizen

FULLY VACCINATED SENIOR CITIZENS, PUWEDE NANG ‘MAGLAMYERDA’

PINAPAYAGAN na ang mga fully vaccinated senior citizen na makalabas ng bahay at makapasyal sa …

102021 Hataw Frontpage

Kaban ng bayan ‘pinadugo’ ni Duterte,
GRAND CONSPIRACY SA P12-B DEAL SA PHARMALLY BINASBASAN

ni Rose Novenario MAY basbas at kumpas ni Pangulong Rodrigo Duterte ang maaanomalyang Pharmally deals …

TCI, Dito, Globe, Smart

SUBSCRIBERS LUMIPAT SA DITO NAPAKATITING

TALIWAS sa inaasahan ay napakaliit na bilang lamang ng mga subscriber ang nagpalit ng network …

PLUNDER, GRAFT CASE VS BELMONTE, BLACK PROGANDA — ATTY. CASIMIRO

BALEWALA ay Quezon City Mayor Joy Belmonte ang akusasyong ‘plunder’ at ‘graft’ na inihain laban …

Leave a Reply