HHI blacklisted sa South Korea (Contractor ng PN frigate project)

LUMABAS sa pagdinig ng Senado na may kinahaharap na kaso sa South Korea ang contractor ng Philippine Navy Frigate project, ang Hyundai Heavy Industries Co. Ltd ( HHI).

Sa naturang pagdinig, ibinulgar ni Senador Panfilo Lacson na na-convict ng South Korean court ang HHI, at ban o blacklisted sa pagpasok ng anomang kontrata.

Kinuwestiyon ni Lacson ang local representative ng HHI na si Sandra Han kung bakit hindi ipinagbigay-alam sa Philippine Navy o sa Armed Forces of the Philippines (AFP) na mayroon kinahaharap na kaso ang kanilang kompanya sa South Korea.

Ani Han, hindi sila naimpormahan sa kaso at hindi rin nila obligasyon na ipaalam ito sa Philippine government.

Hindi ito kinagat ni Lacson dahil aniya ang buong South Korea ay alam na ang kanilang kaso at ban ang HHI sa korte.

Sa kabila nito, iginiit ni Defense Secretary Delfin Lorenzana na kanila pa rin itutuloy ang proyekto dahil kailangan ito ng Philippine Navy.

(CYNTHIA MARTIN)