Wednesday , May 21 2025

People Power vs Duterte suntok sa buwan (Sa frigate deal)

NANANAGINIP ang oposisyon sa pag-aakalang makapagmomobilisa sila ng people power upang mapabagsak ang administrasyong Duterte at sila ang maluluklok sa Palasyo sa pagdawit kay Special Assistant to the President Christopher “Bong” Go sa P15.7-B Philippine Navy frigate project.

“Well, iyong mga kritiko, iyong mga hindi makapag-antay po. Iyong mga nananaginip ng another people power para makaupo iyong kanilang gustong maging presidente! Hindi po ganoon ang demokrasya sa Filipinas; may termino po iyan, mag-antay tayo,” ayon kay Presidential Spokesman Harry Roque hinggil sa akusasyon kay Go na inimpluwensiyahan ang frigate project.

Sinang-ayonan ni Roque ang pahayag ni Go sa Senate hearing na ang mga gustong magpatalsik at agawin ang poder kay Pangulong Rodrigo “Digong” Duterte ang nagpupursigeng isabit siya sa frigate deal.

“I’m sure iyong mga gahaman sa kapangyarihan na hindi makaantay sa susunod na eleksiyon na gusto nang paalisin ang Presidente, samantalang may mandato ang Presidente hanggang 2022,” ani Roque tungkol sa ibinunyag ni Go sa Senado kung sino ang may pakana ng pagda-wit sa kanya sa frigate project.

Sa pagharap kahapon ni Go sa pagdinig ng Senado, nabanggit niya na may mga grupong gustong gamitin ang isyu ng frigate deal para hindi matuloy ang proyekto at maisisi kay Pangulong Duterte.

Nanawagan si Roque sa mga opisyal sa ibang sangay ng gobyerno tulad ng lehislatura at hudi­katura, huwag sanang gamitin ang kani- kanilang mga posisyon para magparatang ng mga bagay-bagay na walang ebidensiya.

Sa kaso aniya ni Sen. Antonio Trillanes IV, nabigyan ang mambabatas ng pagkakataong magkaharap sila ni Go sa Senate hearing ngunit walang naipresentang matibay na ebidensiya laban sa SAP.

(ROSE NOVENARIO)

About Rose Novenario

Check Also

Senate Senado

Sa Senado  
‘Duterte bloc’ namumuo, impeachment complaint vs VP Sara target ibasura

TAHASANG inamin ni Senador-elect Ronald “Bato” dela Rosa na isang Duterte bloc senators ang namumuo …

Valenzuela ID card ValID

Pekeng ID bawal sa Valenzuela, Val-ID isinulong

SINIMULAN na sa Valenzuela City ang pamamahagi ng Val-ID na naglalayong mabigyan ng proteksiyon ang …

P5-B ilegal na droga sinilaban ng PDEA

P5-B ilegal na droga sinilaban ng PDEA

SINUNOG ng Philippine Drug Enforcement Agency (PDEA), ang aabot sa ₱5,321,563,665.95 halaga ng mapanganib na …

knife, blood, prison

Pasahero na 10-beses nanaksak ng rider, arestado

ARESTADO na ang pasahero na nanaksak ng 10-beses sa rider ng motor taxi na Move …

revoked drivers license failed drug test

Positibo sa ilegal na droga  
10 Victory Liner drivers, 6 konduktor binawian ng lisensiya ng LTO

BINAWI ng Land Transportation Office (LTO) ang mga lisensiya ng 10 driver ng Victory Liner, …

Leave a Reply

Your email address will not be published. Required fields are marked *