HATAW! D'yaryo ng Bayan hatawtabloid.com
KUNG nagiging usap-usapan ang commercial ng isang fast food chain na ginawa nina Sharon Cuneta at Gabby Concepcion, ang mas matindi roon ay iyong mahigit sa walong milyong hits na nakuha ng isang music video na inilabas nila sa internet para sa commercial na iyon.
Ang ginamit na music ay iyong Kumusta Ka, na ginamit noong araw hindi sa isang Sharon-Gabby movie kundi sa isang pelikula ng megastar na kasama niya si FPJ. Nag-duet pa nga sila ni FPJ sa kantang iyan eh. Iyan lang din ang kantang kinanta ni FPJ nang mag-guest siya sa TV show ni Sharon. Noon lang pumayag na mag-guest sa TV show si FPJ, at kumanta pa. Dahil ginamit nga sa music video roon sa commercial, muling sumikat na naman ang kanta. Isipin ninyong marinig ulit iyon ng walong milyong tao sa loob lamang ng ilang araw?
Panalo ang yumaong composer na si Willy Cruz at ang lyricist ng nasabing kanta na si Baby Gil.
HATAWAN!
ni Ed de Leon
