HATAW! D'yaryo ng Bayan hatawtabloid.com
BINIGYAN agad ng katuparan ni Ogie Alcasid ang wish ni Alden Richards na mabigyan siya ng kanta para sa bagong album na gagawin niya sa GMA Records.
Sambit kasi ng Pambansang Bae noong pumirma siya ng contract: “”Sana maisulat ako ng isang kanta ni Kuya Ogie Alcasid. Sana lang, kung kakayanin. It’s my dream also.”
Buong ningning namang sinabi ni Ogie sa presscon ng Valentine concert na #PaMore sa February 10 sa MOA Arena, kasama sina Martin Nievera, Regine Velasquez, at Eric Santos, na open siya na makatrabaho anytime si Alden. Tawagan lang siya.
”Gusto niya gawan ko sila ng kanta ni Maine (Mendoza),” pagbibiro pa niya.
Bagay kay Alden ang isinulat niyang kanta na I Love You. Handa niyang ibigay iyon kung magugustuhan niya.
“Noong pinasikat niya ‘yung ‘God Gave Me You,’ parang sabi ko kailangan niya ng kanta na parang ganoon. ‘Yon yung naisip ko ‘I Love You,” bulalas pa ni Ogie.
Anyway, ang concert na #paMORE ay gaganapin sa Feb 10, 8PM , sa Mall of Asia Arena. Ito ay sa ilalim ng direksiyon ni Paolo Valenciano at musical director si Louie Ocampo at si Raul Mitra. Ang #paMORE ay podyus nina Ana Puno ng Starmedia Entertainment at Cacai Mitra ng I-Music Entertainment.
TALBOG!
ni Roldan Castro
