HATAW! D'yaryo ng Bayan hatawtabloid.com
HANGGANG ngayon ay wala pa ring announce ment ang Star Cinema kung sino ang magiging kapareha ni Liza Soberano sa pelikulang Darna.
Alam namin na may napili na, pero bakit kaya ayaw pa nilang i-reveal ito?
Hindi kaya totoong si Daniel Padilla, gaya ng mga lumabas na balita noon, ang magiging leading man ni Liza?
Sana nga ay si Daniel na lang para naman maipareha rin siya sa iba gayundin si Liza, ‘di ba?
Hindi naman kasi puwedeng sa lahat ng project ni Daniel ay si Kathryn Bernardo ang kapareha niya at si Liza ay puro si Enrique Gil. Baka pagsawaan din sila ng fans, ‘di ba?
ACTING NI NASH,
‘DI MATATAWARAN
MARAMI ang humanga sa ipinakitang akting kamakailan ni Nash Aguas sa serye nilang The Good Son, na napapanood sa ABS-CBN 2.
Noong una ay hindi gaanong napapansin ang akting niya rito dahil so-so lang ang role niya, hindi pa gaanong mabigat. Pero kamakailan ay binigyan na rin siya ng sariling moment, kaya naipakita niya ang husay niya sa pagganap na naging dahilan para mag-viral ang eksena niya sa The Good Son.
Sa totoo, mula noon at hanggang ngayon ay hindi pa rin matatawaran ang husay sa akting ng ka-loveteam ni Alexa Ilacad.
MA at PA
ni Rommel Placente
