HATAW! D'yaryo ng Bayan hatawtabloid.com
ANOMANG araw ay magbibigay ng direktiba si Pangulong Rodrigo Duterte sa mga awtoridad para sa mass arrest ng mga opisyal at kasapi ng Communist Party of the Philippines – New People’s Army-National Democratic Front (CPP-NPA-NDFP).
“So that I decided to just… So they are now considered ordinary criminals. And so if they ambush you, that’s murder, multiple. If they use an explosive, use of explosive is always a murder, then it’s no bail for everybody. And for those who are out temporarily, you just, maybe now, because any day I will order for their mass arrest,” aniya.
Katuwiran ng Pangulo, ginusto ng mga rebeldeng komunista ang kinasasadlakan nilang sitwasyon ngayon dahil naging mapaghangad sila.
Aminado ang Pangulo na napaaga ang pagpaparaya niya sa mga kahilingan ng mga komunista ngunit ngayon na natunton na niya ang kahihinatnan ng pakikipag-usap sa kanila ay pagbubuo ng coalition government ay hindi siya pumayag.
Anang Pangulo, ang soberenya ng bansa ay pagmamay-ari ng sambayanang Filipino at hindi ng sino man.
“Well, you might be ready now, not before. Ang problema, ako na ang ayaw na rin because I said — Not to win a thing, I concede to your brilliance or whatever, you are the ideologues. But then the simple matter is really a sovereignty is owned by the Filipino people and nobody else,” sabi ng Pangulo.
Tulad ng ordinary criminal, kapag nanlaban ang mga komunista ay may karapatan ang mga awtoridad na patayin sila.
ni ROSE NOVENARIO
