Biyuda utas sa tandem

BINAWIAN ng buhay ang isang biyuda maka­raan pagbabarilin ng ‘di kilalang riding-in-tandem sa Caloocan City, kamakalawa ng gabi.

Agad nalagutan ng hininga ang biktimang si Luzviminda Turibio, 52, ng E. Ramos Drive, Deparo, ng lungsod, habang mabilis na tumakas ang mga suspek lulan ng motorsiklo.

Sa imbestigasyon ng pulisya, dakong 11:00 pm, naglalakad ang biktima nang biglang pagbabarilin ng mga suspek sa Cabatuhan Road sa Brgy. 168.

Inaalam ng pulisya ang posibleng motibo sa krimen at responsable sa insidente.

(ROMMEL SALES)