De Lima pinaka-‘unchristian’ — Roque

WALA nang mas hihigit pa sa pagiging “unchristian” ni Sen. Leila de Lima, ang ipinatupad ay “selective justice” sa oposisyon habang nagpapakalunod sa kanyang kahinaan bilang isang babae.

Ito ang buwelta ni Presidential Spokesman Harry Roque kay De Lima nang tawagin siyang “unchristian” ng senadora kasunod ng pahayag na hindi kilala nang lubos ni Pope Francis ang detained lawmaker na binigyan ng rosaryo.

“We find nothing more unchristian than performing an action which counters the demeanor of a public official which Senator De Lima did when she arrogantly applied selective justice to the political opposition while enjoying her so-called frailties of a woman,” ani Roque.

Giit ni Roque, hindi na kailangang malaman ang tunay na karakter ni De Lima upang malaman kung ano ang kaya niyang gawin. Kailangan lang aniyang busisiin ang kinasasangkutang drug cases ng senadora batay sa mga dokumento at mga testigong may kredibilidad.

Ang bigat ng mga akusasyon kontra sa senadora, ani Roque, ay taliwas sa ipinakitang kagalang-galang na pagkatao na peke pala noong justice secretary pa ang mambabatas sa administrasyong Aquino.

“The gravity of the accusations hurled against her runs contrary to the incorruptible character she falsely portrayed when she was DoJ Secretary. The Palace statements about the lady senator are information in relation to her position and conduct as a government official and public officer,” giit ni Roque.

(ROSE NOVENARIO)