HATAW! D'yaryo ng Bayan hatawtabloid.com
BUTAS ang bulsa ni Presidential Spokesman Harry Roque kaya hindi ubrang tumakbo sa senatorial race sa 2019 midterm elections.
“Don’t have P500-M needed to run,” text message ni Roque hinggil sa pahayag ni PDP-Laban secretary-general Pantaleon Alvarez, na kasama siya sa senatorial line-up ng partido sa 2019 polls.
Sinabi ni Alvarez, bukod kay Roque, isa rin si Communications Assistant Secretary for Social Media Mocha Uson sa napipisil na isabong sa 2019 senatorial derby ng administration party.
Sakaling makalusot sa 2019 midterm polls, si Uson ang kauna-unahang ‘porn star’ na mambabatas sa kasaysayan ng Filipinas.
Matatandaan, si Ilona Staller, mas kilala bilang Cicciolina, ang Italian porn star na nagsilbi sa isang four-year term sa Italian Parliament.
Inianunsiyo rin ni Alvarez kahapon, kabilang din siya sa bubuo sa senatorial line-up ng administration party, pati sina Davao City Representative Karlo Nograles, Negros Occidental Albee Benitez, Bataan Representative Geraldine Roman, at dating MMDA Chairman Francis Tolentino, at House Majority Leader Rodolfo Fariñas.
ni ROSE NOVENARIO
