HATAW! D'yaryo ng Bayan hatawtabloid.com
“WE’RE just friends.” Ito ang agad na isinagot ni Miss World-Philippines Laura Victoria Lehmann nang tanungin kung paano sila naging magka-date ng actor na si Diether Ocampo sa katatapos na Star Magic Ball.
Ani Lehmann pagkatapos pumirma ng movie contract sa Regal Entertainmentkasama ang iba pang grand winners ng nakaraang Miss World Philippines, naging magkaibigan sila ni Ocampo dahil nasa iisang kuwadra sila. Kapwa sila alaga niArnold Vegafria o ng ALV.
“Everybody in ALV management is very good friend. Wala namang problema roon sa pagpunta sa ball. We have fun and Diether is a very nice guy. He’s a gentleman. Naroon din naman si ALV,” sambit pa ng dalaga na dating UAAP courside reporter bago sumabak sa beauty pageant.
Kuwento ni Laura, nagkayayaan sila ni Diether dahil pareho naman silang walang ka-date sa ball. ”Pareho kaming walang date so walang malisya and ALV was also there. Si ALV parang tatay namin.”
Nang tanungin ang dalaga kung nililigawan ba siya ng aktor, mabilis itong sumagot ng, ”Hindi naman po.”
At kung puwede siyang ligawan ni Diether? ”Right now I’m taken,” at sinabing tatlong taon na sila ng kanyang basketball player na boyfriend.
Kasamang pumirma ng kontrata ni Lehmann sina Teresita Ssen Marquezna o mas kilala bilang si Wynwin Marquez, Miss Hispanoamericana Filipinas, Sohphia Senoron, Miss Multinational Philippines; Glyssa Leiann Perez, First Princess; at Zhaniethia Jimenez, Second Princess.
Dumalo sa pirmahan ang manager nilang si Vegafria at ang mag-inang Lily at Roselle Monteverde naman sa panig ng Regal.
Talagang hindi na mapigil si Mother Lily sa pagpaparami ng mga Regal Millennial Babies.
