Token Lizares, bilib kay Daniel Padilla

HINDI maitago ng Charity Diva na si Token Lizares ang paghanga sa Kapamilya star na si Daniel Padilla. Sobrang bait daw kasi ni Daniel nang na-meet niya ang actor.
Ani Ms. Token, “Si Daniel ay na-meet ko iyan thru Tita Mercy Lejarde niya at napakabait na bata niyan, napaka-humble, down to earth… kaya kung bibigyan ng chance na makatrabaho ko siya, dream come true iyon. Of course, kabilang ang KathNiel sa hinahangaan kong love team, kahit maging tita nila ako sa movie ay okay, siyempre ang love team na iyan ay hinahangaan ng marami talaga, e.”
Samantala, masaya ang Charity Diva sa magandang pagtanggap sa album niyang Till The World is Gone. ”Happy ako sa magandang pagtanggap sa album ko na Till The World is Gone under Ivory Records. Mabibili na nila ang hard copy sa lahat ng Astrovision at Astoplus music stores nationwide sa halagang P250 lang. Hindi na natin mamahalan iyan, para everybody can afford it. Kahit iyong masa, they can afford to buy,” wika niya.
“Mayroong minus one iyan, limang track with five minus one. Nasa YouTube na rin ang MTV niyan. Ang digital copies, you can buy it sa Spotify, Amazon, GooglePlay, iTune… at maririnig na iyan sa mga radio stations like sa DZBB 594 at sa PinasFM 95.5, coming soon sa EnergyFM.
“I would like to thank all those who have supported my album launching. Ang lahat ng bumili ng albums ko, nagpapasalamat ako sa Aficionado’s, kay Joel Cruz na kaibigan kong matalik dahil napaka-supportive niya at Ysa’s Skin Care Clinic ay pinapasalamatan ko. At lahat ng friends ko sa media dahil kung wala kayo ay wala ring Token Lizares, ginagamit kayong lahat ng Diyos for me.”
Mapapanood din si Ms. Token sa indie film na Delete, Ang Mga Salot sa Lipunan starring Joel Ortega ng Hagibis, Patricia Javier, Leo Martinez, Dan Alvaro, Efren Reyes Jr., at iba pa, directed by Bert Abihay Dagundong.