HATAW! D'yaryo ng Bayan hatawtabloid.com
SA ikalawang pagkakataon ay itinanghal na Chooks To Go – NCAA Player of the Week si CJ Perez ng Lyceum of the Philippines University.
Isinukbit ni Perez ang parangal matapos pangunahan ang Pirates sa 81-69 sa pagdispatsa sa Letran Knights noong nakaraang Biyernes upang manatiling walang dungis sa 16 salang.
Kinamada ni Perez ang 10 sa kanyang 24 puntos sa huling kanto habang nagdagdag din ng 3 rebounds, assists at 3 steals para sa LPU na lumapit nang dalawang laban tungo sa pagwawalis sa eliminasyon.
“Conscious siya pag nagkamali siya. He knows na nagkamali siya. One thing I like about him and I always brag to coaches in Alaska. Hindi siya naninisi ng kasama,” ani Lyceum coach Topex Robinson sa kanyang manlalaro.
Kasalukuyang nasa ikatlong puwesto ng karera sa MVP si Perez sa likod ni Prince Eze ng Perpetual at kasangga sa Lyceum na si Mike Nzeusseu ngunit sa pa-tuloy na ratsada nila at pagkakatanggal ng Perpetual sa playoffs, inaasahang tataas pa ang lipad nito.
“Hindi siya ‘yung pag hindi napapasahan, nagagalit. He knows kumabaga na kailangan niya rin ang tulong ng mga kasama niya, dagdag ni Robinson.
Si Perez din ang unang nagkamit ng parangal para sa Season 93.
Ginapi niya sa pagkakataong ito sina Javee Mocon ng San Beda, Kent Salado ng Arellano, Andoy Estrella ng Mapua at Jed Mendoza ng JRU.
ni John Bryan Ulanday
