HATAW! D'yaryo ng Bayan hatawtabloid.com
NAGSASABWATAN ang mga dilawan at mga pulahan para pabagsakin ang administrasyon, ayon kay Pangulong Rodrigo Duterte.
Ayon sa Pangulo, may alyansa ang maka-kaliwang grupong Bagong Alyansang Makabayan (Bayan) sa Liberal Party para patalsikin siya sa puwesto.
Bahagi aniya sina Ombudsman Conchita Carpio-Morales at Chief Justice Ma. Lourdes Se-reno sa pagsusumikap para pabagsakin ang kanyang gobyerno.
“In fairness also to the ladies, actually she is just part of the concerted effort which I cannot clearly state would be a part of the program ng left. But what is really very clear is ‘yung left pati — ang kaalyado ng left is, ng mga Bayan is the… mga… ‘yung mga dilaw. Gusto nila ako paalisin dito sa Malacañan,” anang Pa-ngulo nang tanungin sa tactical alliance ng mga grupong gusto siyang pabagsakin.
Paliwanag niya, sa AFP-PNP command conference kamakalawa ng gabi, hinimok niya ang mga heneral na magtu-ngo sa tanggapan ng Anti-Money Laundering Council (AMLC) at kapag natuklasan na may mga bilyones siyang pera sa banko ay agad siyang patalsikin sa puwesto.
“Ako sinabi ko kagabi sa AFP-PNP Command Conference, if you think that I’m lying, tutal mga general man kayo, may kaibigan man kayo diyan. Pumunta na lang kayo doon sa AMLC ng opisina at pindutin ninyo ‘yung computer and if you see billions of… in my account, kindly, most kindly please, oust me tomorrow,” aniya. Tiniyak ng Pangulo, hindi lalagpas sa P40 milyon ang naipon niya sa loob ng nakalipas na 40 taon bilang kawani ng gobyerno.
(Rose NOVENARIO)
