HATAW! D'yaryo ng Bayan hatawtabloid.com
SUGATAN ang limang contruction worker nang ‘bumigay’ ang cobin beam rebars/scaffolding sa itinatayong Skyway Stage 3 sa Makati City, kahapon ng umaga.
Kinilala ni Makati City Police chief, S/Supt. Gerry Umayao, ang mga biktimang sina Norman Nicolas, Ronald Degamo, Jerwin Deocarisa, JR Bala-quidan, at Guillermo Santos, Jr., pawang nasa hustong gulang, dumanas ng minor injuries sa kanilang katawan.
Ayon sa ulat ng pu-lisya, nangyari ang insidente sa construction site ng itinatayong Skyway Stage 3, sa pamamahala ng DMCI, sa harapan ng Cash and Carry mall, sa kanto ng Osmeña Highway at Gil Puyat Avenue, Makati City, dakong 9:15 am.
Sinasabing biglang gumuho ang scaffoldings dahilan nang bahagyang pagkakasugat ng limang construction workers na agad dinala sa pagamutan.
Isang Toyota Avanza ang nabasagan ng windshield habang ang Honda Jazz ay nayupi ang rear panel dahil sa bumagsak na debris ngunit himalang hindi nasugatan ang mga driver.
Sinabi ng DM Consuji, Inc. (DMCI), iniim-bestigahan na ng kanilang safety and technical personnel para matukoy ang tunay na sanhi ng pagguho ng biga.
Nag-abiso ang DMCI sa mga motorista na humanap ng mga alternatibong ruta habang nililinis nila ang lugar.
“We sincerely apologize for the inconvenience this caused the public,” saad sa opisyal na paha-yag ng DMCI.
Ang Metro Manila Skyway Stage-3 (MMSS-3) ay nagkakahalaga ng P26.65 bilyon na pino-pondohan ng isang unit ng San Miguel Corporation (SMC) at ang cons-truction firm ay DMCI na may 32-month engineering, procurement and construction (EPC) project.
(JAJA GARCIA may kasamang ulat ni Ivel John M. Santos)
