HATAW! D'yaryo ng Bayan hatawtabloid.com
MALIWANAG ang statement ng nanay ni Charice Pempengco na si Racquel, hindi siya natutuwa sa ginawa ng kanyang anak na pagpapalit pa ng pangalan at sinasabi ngayong siya na si Jake Zyrus. Kung ikaw ba naman ang nanay ni Charice, matutuwa ka sa ginagawa ng anak mo?
Natural lang sa isang nanay na iniwan man kayo ng anak mo, concerned ka pa rin. Anak mo iyan eh. Tingnan ninyo, nakipag-live in siya noon doon sa sinasabing girlfriend niyang si Alyssa Quijano, tapos iniwan din naman siya. Ano ang sinasabi ng mga tao tungkol doon at sigurado naririnig din iyan ni Racquel. Matutuwa ba siya sa mga naririnig niya?
Ano ang sinasabi, wala ng pera si Charice. Wala na rin siyang career sa ngayon. Mukhang wala ring tiyak na patutunguhan ang career niya. Hindi na siya pinapansin noong mga dating naniniwala sa kanya. Kung ikaw ang nanay ni Charice, matutuwa ka ba sa nangyayaring ganoon?
HATAWAN – Ed de Leon
