Aktor, ‘di matutuyuan ng pera dahil sa financier na mayamang bading

KAHIT pala hindi na bigyan ng TV assignments ng isang estasyon ang aktor na ito’y financially secure na rin siya.

Hindi lang ‘yan, kahit pa gabi-gabi siya magpatalo sa pinupuntahang e-bingo sa bandang Banaue, Quezon City ay hindi siya matutuyuan ng balon ng pera.

At paano nangyari ‘yon? Ang tsika, dyowa lang naman ang aktor na ito ng isang mayamang bading na may-ari ng isang eskuwelahan.

Ang eksena naman sa e-bingo ay ganito, mauuna munang pumasok ang aktor sa loob na namumutok-mutok ang bulsa sa pantaya. Kapag na-lost ang dala-dala niyang datung, to the rescue agad ang baklita na nasa labas lang naman pala ng establisimyento.

Follow naman ang bading sa loob, give uli ng pantaya. Pero kapag talagang inaalat ang aktor ay lalayas na kasama ang dyowa.

Da who ang masyongkad na aktor na ito na produkto ng isang artista search na nadiskubre sa kanilang bayan sa Calabarzon area? Itago na lang natin siya sa alyas na Dindo Ignorante.

(Ronnie Carrasco III)