HATAW! D'yaryo ng Bayan hatawtabloid.com
PATAY ang isang tricycle driver makaraan pagsasaksakin ng hindi naki-lalang suspek na kanyang nakaalitan sa Navotas City, kahapon ng umaga.
Hindi umabot nang buhay sa Tondo Medical Center ang biktimang si Rolando Padrigano, 24, ng Block 23, Lot 50, Phase 2, Area 1, Brgy. NBBS, ng nasabing lungsod.
Ayon kay PO3 Paul Roma, dakong 6:20 am, naglalakad ang biktima sa Dalagang Bukid St., Brgy. North Bay Boulevard South, nang biglang sumulpot ang suspek at siya ay kinompronta.
Humantong ito sa kanilang pagtatalo hanggang bumunot ng patalim ang suspek at inundayan ng saksak ang biktima, pagkaraan ay mabilis na tumakas.
(ROMMEL SALES)
