HATAW! D'yaryo ng Bayan hatawtabloid.com
PATAY ang isang Malaysian national makaraan saksakin sa leeg ng kanyang misis, habang nagtatalo sa Caloocan City, kamakalawa ng hapon.
Nalagutan ng hininga habang isinusugod sa Hope Hospital sa Quezon City ang biktimang si Mervin Roy Thanaraj, 27, ng Block 4, Lot 30, Bauhinia St., Tamara Lane, Kaybiga, Brgy. 166, ng nasabing lungsod.
Sumuko sa pulisya ang misis na si Gianne Carla Thanaraj, 26-anyos, nahaharap sa kasong parricide.
Batay sa ulat ng pu-lisya, dakong 2:00 pm, nagkaroon ng pagtatalo ang mag-asawa hanggang sa saktan ng biktima ang suspek at tinangka pang iuntog ang ulo sa pader.
Nakatakbo ang misis sa kusina, kumuha ng patalim at itinarak sa leeg ng biktima.
Sinabi ng suspek sa mga pulis, hindi niya sinasadya ang pagkaka-patay sa kanyang mister.
(ROMMEL SALES)
