HATAW! D'yaryo ng Bayan hatawtabloid.com
SUGATAN ang isang pintor makaraan saksakin ng gunting ng kanyang live-in partner, nang magtalo ang dalawa habang kapwa lasing sa Caloocan City, kamakalawa ng gabi.
Ginagamot sa Caloocan City Medical Center, sanhi ng saksak sa dibdib si Danilo Macaraeg, 43, ng 57 Rosario St., Brgy. 155, Bagong Barrio, habang nakapiit sa himpilan ng pulisya ang suspek na si Michelle Aguilar, 32-anyos, ng nasabi ring lugar.
Batay sa imbestigas-yon ni PO2 Gian Clifford Malonzo, ng Caloocan Police Community Precinct (PCP) 1, dakong 9:00 pm, nagtalo ang mag-asawa na parehong lasing sa hindi nabatid na dahilan.
Biglang kumuha ng gunting ang misis saka inundayan ng saksak sa dibdib ang biktima.
Isinugod ang biktima sa pagamutan habang naaresto ang suspek sa follow-up operation ng mga awtoridad.
(ROMMEL SALES)
