Bebot inutas sa riles

PATAY ang isang hindi nakilalang babae, nang barilin ng hindi nakilalang suspek sa riles ng tren sa Tondo, Maynila, kahapon ng madaling-araw.

Ayon sa ulat ni Supt. Alex Daniel, hepe ng MPD-Station 7, dakong 1:30 am, nanonood ng television si Mark Torregoza, 27, ng 980 Hermosa St., Tondo, nang nakarinig nang sunod-su-nod na putok.

Pagkaraan, natagpuan ang biktimang duguan na nakahandusay sa riles ng tren sa Hermosa St., Tondo.

Masusing iniimbestigahan ng pulisya ang insidente upang mabatid ang motibo at suspek sa pagpatay.

(LEONARD BASILIO)