HATAW! D'yaryo ng Bayan hatawtabloid.com
ARESTADO ang isang waiter ng National Press Club (NPC), nang mahulihan ng pinatuyong dahon ng marijuana nang nagpapatrolyang barangay tanod sa Sta. Cruz, Maynila
Ang suspek na si Daniel Quibral, 19, residente sa 1281, Int. 43, Tambunting Street, Sta. Cruz, ay sasampahan ng kasong paglabag sa Section 11, Article 2, ng Republic Act No. 9165 o Comprehensive Dangerous Drugs Act of 2002.
Batay sa ulat ni Manila Police District (MPD)-Station 3, commander, Supt. Santiago Pascual III, dakong 12:00 am, nang maaresto ang suspek ng mga barangay tanod sa Aurora Boulevard, malapit sa Rizal Avenue sa Sta. Cruz, dahil sa nakompiskang sachet ng pinatuyong marijuana.
(LEONARD BASILIO)
