2 kelot sa labas ng Miss U venue inaresto

INARESTO ng mga pulis ang dalawang lalaking kahina-hinala ang kilos, sa labas ng venue ng Miss Universe pageant sa (MOA) Arena sa Macapagal Avenue, Pasay City, kahapon.

Kinilala ang mga inaresto na sina Hansel Hayag, at Jonathan Gutierrez.

Namataan paikot-ikot si Hayag sa paligid ng coronation venue at nakuha mula sa mga gamit niya ang isang wig.

Katuwiran ni Hayag sa pulisya, naglibot lamang siya sa mall, nagbabaka-sakaling makapasok siya kahit walang ticket, para makapanood sa timpalak ng Miss Universe.

Walang maipakitang ID sa mga pulis ang isa pang nahuling si Gutierrez, sinabing napadaan lang siya sa MOA bago sana kukuha ng National Bureau of Investigation (NBI) clearance.

(JAJA GARCIA)