HATAW! D'yaryo ng Bayan hatawtabloid.com
PATAY ang magkapatid at pinsan makaraan makipagbarilan sa mga pulis sa buy-bust operation sa Sta. Ana, Maynila kahapon ng madaling-araw.
Binawian ng buhay habang dinadala sa Sta. Ana Hospital ang magkapatid na sina Leo Geluz Merced, 30, at Joshua Merced, 22, at pinsan nilang si Bimbo Merced, 37, pawang ng 2565 Bonita Compound, Pasig Line, Zobel Roxas, Sta. Ana, Maynila.
Sa imbestigasyon ni PO3 Aldeen Cruz Legaspi ng Manila Police District Homicide Section, dakong 3:00 am nang maganap ang insidente sa loob ng bahay ng mga suspek sa nabanggit na lugar.
Napag-alaman, nakatunog ang mga suspek na pulis ang kanilang katransaksiyon kaya bumunot ng baril at nakipagbarilan sa mga awtoridad na nagresulta sa kanilang pagkamatay.
(LEONARD BASILIO)
